पुष ०५, महोत्तरी । राष्ट्रिय वैश्य महासंघ नेपालले शनिवार महोत्तरीको मटिहानी नगरपालिकामा नगर कमिटि गठन गरेको छ ।
जिल्ला अध्यक्ष कैलाश नायकको अध्यक्षता तथा राष्ट्रिय वैश्य महासंघ नेपालका अध्यक्ष विश्वनाथप्रसाद साहको प्रमुख आतिथ्यमा आयोजित बृहत भेलाले विजय साहको नेतृत्वमा २१ सदस्यीय वैश्य महासंघ नेपाल मटिहानी नगर कमिटि गठन गरेको हो ।
नवगठित कमिटिको उपाध्यक्षमा पवन कुमार साह, शोभा साह, नरेश साह रहेका छन् । महा-सचिवमा मोहन प्रसाद गुप्ता, कोषाध्यक्षमा राजेश गुप्ता चयन भएका छन् ।
सो अवसरमा पुर्व मन्त्रि भरत साह, सुरीता साह , प्रदेश सांसद अनिता साह , रमिता प्रधानलगायतको पनि उपस्थिति रहेको थियो । जातिय संगठनको सुदृढिकरण गर्ने योजना अनुसार अहिले पालिकाहरुमा कमिटि गठन गर्न थालिएको महासंघले जनाएको छ ।
यो खबर पढेर तपाईलाई कस्तो महसुस भयो ?
