जनकपुरधाम,(कुमार पंकज)। सरस्वति पूजाको अवसर पारेर जथाभावी मोटरसाईकल कुदाउनेहरुलाई धनुषा लगायत मधेस प्रदेशको विभिन्न जिल्लाबाट प्रहरीले कारवाही गरेको छ । सरस्वति पूजाको अवसरमा बिना हेल्मेट, बिना कागजातको गाडी चलाउने,अनावश्यक गति र चर्को आवाजमा गाडी चलाउननेहरु जिल्ला प्रहरीले पक्राउ गरी कारवाही गरेको छ ।
धनुषा जिल्ला प्रहरी कार्यालय र ट्राफिक प्रहरी कार्यालयले सुरु गरेको सप्ताहव्यापी अभियानको पहिलो दिन बिहिवार १ सय ६४ वटा मोटरसाइकल र १ सय २७ जना चालकहरुलाई नियन्त्रणमा लिइएको छ । सवारी चलाउने बेलामा अनिवार्य राख्नु पर्ने कागजातहरु लाइसेन्स, बिलबुक सहितका नबोेकेको सवारी चालकहरुलाई पक्राउ गरिएको छ । विहिवार पक्राउ पर्नेहरुमा अधिकांश किशोर, युवा तथा विद्यार्थीहरु रहेका छन् ।त्यसैगरि भिडभाडमा तीव्रगतिमा गाडी चलाउने, हेलमेट नलगाउने, मोटरसाइकलमा दुईजना भन्दा बढि सवार भएको सहितको ट्राफिक नियम विपरीत काम गर्नेहरुलाई पक्राउ गरिएको छ ।