भदौ ३१,सोमबार ,काठमान्डौ
असार १ गते प्रदेश सभामा पेश गरेको बजेटलाई परिमार्जन गर्दै सोमबार प्रदेशका आर्थिक मामिला मन्त्री बहादुरसिंह थापाले चालु आर्थिक वर्ष २०८१/८२ को बजेट पेश गरेका हुन् । सभामा प्रस्तुत गरेको बजेटको कुल अङ्क भने ३१ अर्ब ६२ करोड ९८ लाख २८ हजार रहेको छ ।
थापाले चालु वर्षका लागि चालु खर्चतर्फ १२ अर्ब ८५ करोड ७४ लाख पाँच हजार र पुँजीगततर्फ १८ अर्ब ७६ करोड २४ लाख २३ हजार बजेट विनियोजन गरेको जानकारी दिएका छन् ।
सुदूरपश्चिम प्रदेश सरकारले गत आर्थिक वर्षका लागि २९ अर्ब २६ करोड रुपैयाँ बराबरको बजेट ल्याएको थियो ।
आगामी आर्थिक वर्षका लागि विनियोजन गरिएको बजेटको खर्च व्यहोर्ने स्रोततर्फ आन्तरिक राजश्व परिचालन एक अर्ब ६० करोड ७० लाख १५ हजार, संघीय सरकारको राजश्व बाँडफाँडतर्फ ९ अर्ब ७९ करोड १९ लाख, संघीय सरकारले दिने रोयल्टी चार करोड चार लाख ५५ हजार रहेको छ ।
त्यस्तै वित्तीय समानीकरण अनुदान आठ अर्ब ७२ करोड २७ लाख, गत वर्षको बजेटबाट बचत हुने ६ अर्ब १५ करोड ८३ लाख, संघीय सरकारले दिने सर्शत अनुदानतर्फ तीन अर्ब १३ करोड ३४, समपूरक अनुदान एक अर्ब ४२ करोड र विशेष अनुदान ५५ करोड ६० लाख आय हुने अनुमान गरिएको छ ।२० साउनमा काँग्रेसका कमलबहादुर शाह नेतृत्वको सरकारले राजश्व संकलन गर्न अध्यादेश ल्याएर बजेट शून्यता हटाएपछि ढिलो गरी मात्र बजेट ल्याएको हो । तत्कालीन सरकारले प्रदेश सभामा पेश गरेको अर्थ सम्बन्धी विधेयक फिर्ता गर्दै अहिलेको सरकारले नयाँ पेश गरेको थियो ।
सरकारले भौतिक पूर्वाधार विकासतर्फ सबैभन्दा धेरै १४ अर्ब ६९ करोड ७८, भूमि व्यवस्था कृषि तथा सहकारी क्षेत्रमा दुई अर्ब ९१ करोड ६८ लाख, उद्योग पर्यटन वन तथा वातावरण क्षेत्रतर्फ एक अर्ब ८९ करोड ८० लाख, शिक्षा, स्वास्थ्य तथा खेलकुद क्षेत्रतर्फ ६ अर्ब ९५ करोड ९१ लाख बजेट विनियोजन गरेको छ ।
।
यो खबर पढेर तपाईलाई कस्तो महसुस भयो ?
