जनकपुरधाम,१६ कार्तिक । धनुषाको सबैला नगरपालिका वडा नं. १०, खरिहानीमा दिपावलीको रातिमा पटका पर्काउदा एक घरमा आगलागी भएको छ। संजय पजियारको घरमा भएको आगलागीले ११ लाख रुपैयाँभन्दा बढीको क्षति पुगेको जनाइएको छ।
आगलागीबाट माटो, काठ र खप्डाले बनेको कच्ची घरमा आगलागी हुँदा ११ लाख भन्दा बढीको क्षति भएको घरधनी संजय पजियारले जानकारी दिनुभयो । आगलागीले घरमा रहेका अन्नपात, लत्ताकपडा, फर्निचर तथा अन्य सामानहरू जलेर नष्ट भएका छन्।
सबैला नगरपालिकाको दमकल, सशस्त्र प्रहरी र स्थानीयवासीहरूको सहयोगमा आगो नियन्त्रणमा ल्याइए पनि सम्पूर्ण सामान जलेर नष्ट भएको हुँदा ठूलो आर्थिक क्षति भएको अनुमान गरिएको छ।
यो खबर पढेर तपाईलाई कस्तो महसुस भयो ?
