जनकपुरधाम,१९ कार्तिक । धनुषाको सबैला नगरपालिका-१०, खरिहानीमा नेपालीहरूको महान् चाड वडा दशैं, शुभदिपावली, छठ तथा मुस्लिम समुदायको पवित्र पर्व इदको अवसरमा शुभकामना आदानप्रदान कार्यक्रम सम्पन्न भएको छ । यस कार्यक्रमले विभिन्न धार्मिक तथा सांस्कृतिक पृष्ठभूमिका व्यक्तिहरूलाई एकै ठाउँमा ल्याई सामाजिक सद्भाव र आपसी सम्बन्धलाई अझ प्रगाढ बनाएको छ।
कार्यक्रममा विभिन्न क्षेत्रका प्रतिनिधिहरू, जसमा स्थानीय शिक्षकहरू, बौद्धिक वर्ग, सामाजिक अभियन्ता, प्राविधिक र सरकारी कर्मचारीहरू पनि सहभागी भए। उनीहरूले एक आपसमा शुभकामना साटासाट गर्दै, सबै धर्म र संस्कृतिको सम्मान गर्दै यस्ता कार्यक्रमहरूले समुदायमा सहिष्णुता र एकता बलियो हुनेमा जोड दिए।
शुभकामना आदानप्रदान कार्यक्रममा सहभागीहरूले समुदायको शान्ति, समृद्धि र विकासमा यस्ता कार्यक्रमले ठूलो योगदान दिने धारणा राखे। साथै, सहभागीहरूले आगामी दिनहरूमा पनि एकता, भाइचारा, र सामाजिक सहकार्यका लागि यस्ता कार्यक्रम निरन्तर गरिनुपर्नेमा जोड दिए।
समारोहले सबै धर्म र संस्कृतिका पर्वहरू एकै ठाउँमा मनाउन सकिने सकारात्मक सन्देश दिएको छ।
यो खबर पढेर तपाईलाई कस्तो महसुस भयो ?
