बारा,२३ मंसिर । बाराको ऐतिहासिक गढीमाई महोत्सवमा अहिलेसम्म ५,००० भन्दा बढी राँगाको बलि दिइसकिएको छ। विश्वकै सबैभन्दा ठूलो जनावर बलि प्रथाका रूपमा चिनिने यस मेलामा हजारौँ भक्तजनहरूले आफ्ना मनोकामना पूरा गर्न देवी गढीमाईलाई जनावरको बलि चढाएका हुन्।
गढीमाई मेला हरेक पाँच वर्षमा आयोजना गरिन्छ। यस वर्ष पनि नेपाल र भारतका विभिन्न स्थानबाट लाखौँ भक्तजन गढीमाईको दर्शन र बलि चढाउन बाराको बारीयापुरमा भेला भएका छन्।
बलि प्रथालाई लिएर पशु अधिकारकर्मीहरूले लामो समयदेखि विरोध गर्दै आए पनि परम्परागत र धार्मिक आस्थाका कारण यो चलन रोक्न कठिन भएको छ। पछिल्ला केही वर्षमा बलि दिइने जनावरहरूको संख्या घटाउन प्रयास भए पनि अझै ठूलो संख्यामा बलि दिने क्रम जारी छ।
यो खबर पढेर तपाईलाई कस्तो महसुस भयो ?
