जनकपुरधाम,२७ मंसिर । जनकपुरधामको शैक्षिक क्षेत्रको प्रतिष्ठित संस्था मोडेल कलेजमा आजबाट अत्याधुनिक लिफ्ट सञ्चालनमा आएको छ। १० तल्ले भवनमा दुईवटा ओटिसी कम्पनीका लिफ्ट जडान गरिएको छ। कलेजका संस्थापक वीरेन्द्र साहका अनुसार, लिफ्ट जडानका लागि झण्डै एक करोड रुपैयाँ खर्च भएको छ।
संसारकै सबैभन्दा ठूलो लिफ्ट निर्माण कम्पनी ओटिसीको उच्च प्रविधियुक्त लिफ्टहरूमध्ये एउटा लिफ्टमा १३ जना र अर्कोमा ६ जनासम्म एकैपटक चढ्न सकिने सुविधा छ। यो सुविधा विद्यार्थी र शिक्षण स्टाफको सहजताका लागि उपलब्ध गराइएको हो।
मोडेल कलेज, जसले २०५५ सालदेखि गुणस्तरीय शिक्षा प्रदान गर्दै आएको छ, ९ कक्षादेखि १२ कक्षासम्मका कोर्सहरूसँगै ११-१२ का साइन्स, म्यानेजमेन्ट, ल, बीबीएस, बीबीए, बीएससी माइक्रोबायोलोजी, एचए, एमएलटीजस्ता अध्ययन कार्यक्रमहरू सञ्चालन गर्दै आएको छ। साथै, बीआईटी, बीई कम्प्युटर, बीई सिभिल, र पाँचवर्षे बीएएलएलबी कार्यक्रमहरूको सम्बन्धन प्रक्रियामा छ।
कलेजले शैक्षिक दृष्टिकोणले मात्र नभई अत्याधुनिक पूर्वाधार र सुविधाको विकासमा पनि उदाहरणीय भूमिका निर्वाह गरिरहेको छ। लिफ्ट जडानपछि विद्यार्थीहरूमा ठूलो उत्साह देखिएको छ। यसले कलेजलाई अझै आधुनिक र सुविधायुक्त बनाउन मद्दत पुग्ने अपेक्षा गरिएको छ।
यो खबर पढेर तपाईलाई कस्तो महसुस भयो ?
