रौतहट,१९ पुष । रौतहटको राजदेवी नगरपालिका–१ का गजेन्द्र दासको हत्या प्रकरणमा दुई वर्षपछि मुख्य आरोपी पक्राउ परेका छन्। जिल्ला प्रहरी कार्यालय रौतहटको टोलीले राजदेवी–१ का २० वर्षीय रामनरेश राय यादवलाई बुधबार नियन्त्रणमा लिएको हो।
२४ फागुन २०७९ मा भएको घटनामा २५ वर्षीय गजेन्द्र दासलाई यादवले कुटपिट गरी हत्या गरेको आरोप लाग्दै आएको थियो। लामो समयदेखि फरार रहेका यादवलाई प्रहरीले विशेष सूचनाका आधारमा पक्राउ गरेको हो।
यो प्रकरणले रौतहटमा पुनः चर्चा पाएको छ, जसले कानुनी प्रक्रियामा रहेको ढिलाइप्रति सर्वसाधारणको चासो बढाएको छ। आरोपीमाथि थप अनुसन्धान जारी रहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
