रोल्पा । रोल्पाको माडी गाउँपालिका-१ मा पिकअप भ्यान दुर्घटना हुँदा चालकको मृत्यु भएको छ ।
शुक्रबार दिउँसो सुन्तला बोकेर नेपालगन्ज जाँदे गरेको लु १ च ८६८७ नम्बरको भ्यान ब्रेक फेल भएर सडकदेखि करिब २० मिटरमुनि खसेको प्रहरीले जनाएको छ।
प्रहरीका अनुसार सो दुर्घटनामा माडी-१ भिताबाङका २० वर्षीय चालक हुकुम घर्ती मगरको च्यापिएर मृत्यु भएको छ । यस्तै भ्यानमा सवार ३ बालिका गम्भीर घाइते भएको बताइएको छ ।
घाइते हुनेमा त्रिवेणी गाउँपालिका-४ की १४ वर्षीया दिलमाया घर्ती मगर, १२ वर्षीया सरिता घर्ती मगर र त्रिवेणी-२ नुवागाउँकी ११ करुणा बाठामगर रहेका छन् ।
उनीहरु पालिकास्तरीय राष्ट्रपति रनिङ सिल्डमा सहभागी भएर घर फर्कन लिफ्ट मागेर भ्यानमा चढेको बताइएको छ ।
यो खबर पढेर तपाईलाई कस्तो महसुस भयो ?
