जनकपुरधाम, भदौ १५।जनकपुरधामस्थित मधेश प्रदेश वन तथा वातावरण मन्त्रालय अन्तर्गतको प्रदेश वन निर्देशनालय भवनमा निर्माण व्यवसायीहरूले आइतबार बिहान तालाबन्दी गरेका छन्।
निर्माण व्यवसायीहरूको भनाइअनुसार, भवनको उद्घाटन भएको १३ महिना बितिसक्दा पनि ठेकदारहरूलाई भुक्तानी नदिइएको कारण उनीहरू बाध्य भएर यस्तो कदम चाल्नुपरेको हो।
व्यवसायीहरूले आरोप लगाउँदै भनेका छन् कि सम्झौताअनुसार तोकिएको समयमा सबै निर्माण कार्य सम्पन्न गरिए पनि प्रदेश वन निर्देशनालयले अझैसम्म ठेकदारहरूको बक्यौता रकम तिर्न ढिलाइ गरेको छ। भुक्तानी नपाउँदा उनीहरू आर्थिक संकटमा परेको गुनासो निर्माण व्यवसायीहरूले गरेका छन्।
तालाबन्दीमा सहभागी एक व्यवसायीले भने
हामीले तोकिएको मापदण्ड अनुसार गुणस्तरीय भवन निर्माण सम्पन्न गर्यौं। तर उद्घाटन भएको वर्ष दिनभन्दा बढी भइसकेको छ अझै पनि रकम भुक्तानी नभएकोले हामी बाध्य भएर तालाबन्दी गर्नुपरेको हो।
व्यवसायीहरूले चेतावनी दिएका छन् कि यदि छिट्टै बक्यौता भुक्तानीको प्रक्रिया अघि बढाइएन भने थप कडा आन्दोलन गर्ने चेतावनी दिएका छन्।
यो खबर पढेर तपाईलाई कस्तो महसुस भयो ?
