जनकपुरधाम,२० जेठ। भारतबाट भन्सार छली गरेर ल्याएको १८ लाख पच्चीस हजार मुल्य बराबरको प्याज सहित पिकअप धनुषा प्रहरीले नियन्त्रणमा लिएको छ ।
धनुषा शहिदनगर नगरपालिका वडा नं.०३ स्थितमा मधेश प्रदेश ०४-००१ च ०१५८ नम्बरको पिकअपमा भारतबाट नेपाल तर्फ भन्सार छली गरेर प्याज ल्याउदै गर्दा प्रहरीले नियन्त्रणमा लिएको हो । ईलाका प्रहरी कार्यालय यदुकुवा धनुषाबाट खटि गएको प्रहरी टोलीले विषेश सूचनाको आधारमा पिकअप सहित प्याज नियन्त्रणमा लिएको हो ।
नियन्त्रणमा रहेको समानलाई थप कार्वाहीको लागि भन्सार कार्यालय जनकपुरमा पठाइएको धनुषा प्रहरीले जनाएको छ ।
यो खबर पढेर तपाईलाई कस्तो महसुस भयो ?
