जनकपुरधाम,२१ कार्तिक । शरदा सिन्हा, मैथिली र भोजपुरी गीत क्षेत्रकी अमूल्य रत्न, नेपाली तथा भारतीय संगीतप्रेमीहरूको हृदयमा सदैव अमर रहिन्। उनी केवल एक गायिका मात्र होइनन्, तर एक सांस्कृतिक प्रतीक पनि थिइन्। उनका गीतहरूले न केवल मनोरञ्जन मात्र दिन्थ्यो, तर संस्कृतिको गहिरो जरा र भावना पनि उजागर गर्थ्यो।
उनका मधुर स्वरले हाम्रा चाडपर्वहरूलाई सजीव बनायो, बिछोड र माया-ममता जस्ता भावनालाई अभिव्यक्त गर्यो। शरदा जीको संगितले गाउँको माटोको सुगन्ध ल्यायो, परम्परालाई जिन्दगीको रंग दिएर हरेक मनमा साँचेर राख्यो। हाम्रो सभ्यता, परम्परा, र माटोप्रतिको लगावलाई उनी जस्तै व्यक्त गर्न अरू कोही पनि शायद सक्दैन।
उहाँको अवसानले सँगै एउटा युगको अन्त्य भयो, तर उहाँका गीतहरूले सधैं हाम्रा मनमा जीवन्तता बनाइरहनेछ। श्रद्धाञ्जली शरदा जी, तपाईको धुन र आवाज अमर रहोस्।
यो खबर पढेर तपाईलाई कस्तो महसुस भयो ?
