काठमाडौं असार ०२ — केही दिनदेखि सम्पर्कविहीन भएका चिकित्सक डा. श्रेष्ठलाई प्रहरीले काठमाडौंको बालाजुबाट फेला पारेर भद्रकालीस्थित प्रहरी कार्यालयमा ल्याइरहेको छ।
उनले सामाजिक सञ्जाल फेसबुकमा लामो स्टाटस लेख्दै आफूमाथि अन्यायपूर्ण व्यवहार भएको बताएका थिए, त्यसपछि उनी सम्पर्कमा थिएनन्। प्रहरीको खोजीपछि उनी बालाजुमा भेटिएका हुन्।
रामेछाप जिल्ला अस्पतालबाट बागमती प्रदेशको स्वास्थ्य मन्त्रालयअन्तर्गत हेटौंडा सरुवा भएका श्रेष्ठले आफूलाई आर्थिक लेनदेन र व्यक्तिगत रिसइवीका आधारमा सरुवा गरिएको आरोप लगाएका थिए।
उनले करिब २५ महिनाको सेवामध्ये १८ महिना प्रमुखका रूपमा सेवा दिँदै अस्पताल सुधारमा जुटेको बताउँदै आएका छन्। यस क्रममा केही कर्मचारी र स्थानीय नेताहरूले लगातार षड्यन्त्र र झूटा आरोप लगाएको उनको दाबी छ।
फेसबुक स्टाटसमा उनले लेखेका छन्– “काम नगर्ने, अस्पताललाई निजी सम्पत्ति ठान्ने केही समूहहरूले मलाई बदनाम र मानसिक रूपमा दबाब दिने काम गरे।”
उनको आरोप अनुसार, करारका केही कर्मचारीलाई कारबाही प्रक्रियामा ल्याएपछि उनीविरुद्ध सक्रियता बढाइएको थियो। रामेछापका एक स्थानीय नेताले अस्पताल सञ्चालनमा अनाधिकृत हस्तक्षेप गर्दै उनलाई धम्क्याएको समेत उनले खुलाएका छन्।
“म कार्यकक्षमै धम्कीसहित तर्साउने काम भयो,” श्रेष्ठले लेखेका छन्, “३ दिनभित्र सरुवा नगरे त मेरो नाम केदार होइन भनेर धम्की दिइयो।”
उनको भनाइमा, छानबिनको प्रक्रिया जारी रहँदै हतारमा सरुवा गरिएको थियो। हेटौंडा पुगेपछि मन्त्रालयका अधिकारीले फेरि रामेछाप फिर्ता पठाएको र त्यहाँबाट रातारात काठमाडौंपर्यन्त आउनु परेको दुखेसो उनले पोखेका छन्।
“१६ वटा टाँका लागेको शरीर, सानो छोरी र श्रीमती लिएर रातिको समयमा यात्रा गर्नु परेको थियो,” उनले लेखेका छन्।
उक्त घटनाले मानसिक रूपमा कमजोर बनेको उल्लेख गर्दै उनले आत्महत्या प्रयास गरेको समेत स्टाटसमा उल्लेख गरेका छन्।
“देशमै केही गर्ने सपना थियो, तर अब त्यो सपना पश्चातापमा बद्लिएको छ,” उनले लेखेका छन्।
प्रहरीले अहिले थप अनुसन्धा
न अघि बढाएको जनाएको छ।
फेसबुकमा लामो स्टाटस लेखेर उनी सम्पर्कविहीन भएपछि प्रहरीले खोजी तीव्र पारेको थियो ।
फेसबुकमा के लेखेका थिए ?
जिल्ला अस्पताल रामेछापबाट सरुवा भएर हेटौंडा पुगेका उनले आफूलाई झुटो आरोप लगाइएको र आर्थिक चलखेलमा सरुवा गरिएको फेसबुकमा उल्लेख गरेका छन् ।
उनी जेठ मसान्तमा रामेछाप अस्पतालबाट बागमती प्रदेश स्वास्थ्य मन्त्रालय हेटौंडा सरुवा भएका थिए । उनले आफ्नो सरुवामा राजनीतिक चलखेल र व्यक्तिगत प्रतिशोध रहेको आरोप लगाएका छन् ।
करिब २५ महिनाको सेवाकालमा १८ महिना अस्पताल प्रमुखका रूपमा काम गरेका ती चिकित्सकले आफू अस्पताल सुधारको अभियानमा लागेको समयमा विभिन्न षड्यन्त्र र झुटा आरोप खेप्नुपरेको बताएका छन् ।
उनका अनुसार कर्मचारी प्रशासनका अनियमितता सुधार गर्ने क्रममा केही कर्मचारी समूह र स्थानीय नेताहरूको आँखामा उनी नराम्रोसँग परेको दाबी गरेका छन् ।
‘काम नचाहने, अस्पताललाई निजी सम्पत्ति ठान्ने केही कर्मचारी र स्थानीय नेताहरूले मलाई लगातार बदनाम गर्ने र दबाब दिने काम गरे,’ ती चिकित्सकले बताएका छन् ।
उनको भनाइ अनुसार अस्पताललाई व्यवस्थित बनाउने क्रममा उनले करारका केही कर्मचारीहरूलाई स्पष्टीकरण सोधेका थिए । यही कारणले केही व्यक्तिहरू उनको विरुद्ध सक्रिय भएका थिए ।
उनले आरोप लगाए अनुसार रामेछापका स्थानीय नेता केदार कार्कीको दबाबमा अस्पताल सञ्चालन गर्नुपर्ने, व्यक्तिगत स्वार्थ पूरा गर्नुपर्ने, होटलका बिलहरू तिर्नुपर्ने जस्ता अनुचित मागहरू आएका थिए । ती मागहरू अस्वीकार गरेपछि उनलाई धम्कीसमेत दिएको आरोप छ ।
‘मेरो कार्यकक्षमै आएर ‘३ दिनमा तेरो सरुवा गरिन भने मेरो नाम पनि केदार होइन’ भनेर धम्की दिएको थियो,’ उनले बताएका छन् ।
उनको भनाइ अनुसार उनलाई कुनै सुनुवाइ नगरी छानबिन प्रक्रियाकै बीचमा हतारहतार सरुवा गरियो ।
‘छानबिन समितिले अनुसन्धान गरिरहेको अवस्थामा नै मलाई २४ घण्टाभित्र मन्त्रालयमा हाजिर हुन भनियो,’ उनले सामाजिक सञ्जालमा भनेका छन्, ‘यो कत्तिको न्यायोचित हो ?’
उनले स्वास्थ्य मन्त्रालयका अधिकारीहरूमाथि पनि अमानवीय व्यवहार गरेको गुनासो गरेका छन् । हेटौंडा पुगेपछि मन्त्रालयका एक प्रमुख प्रशासकीय अधिकृतले कुनै स्पष्टीकरण नदिई जबरजस्ती रामेछाप पठाएको उनले बताएका छन् ।
‘१६ वटा टाँका लागेको शरीर, २ वर्षकी छोरी र श्रीमती लिएर राति रामेछापबाट काठमाडौं आउन बाध्य भएँ,’ श्रेष्ठ भन्छन् ।
मानसिक तनावले गर्दा उनले आत्महत्या गर्ने प्रयाससमेत गरेको खुलासा गरेका छन् । ‘आफ्नै मेहनतले अस्पताललाई सुधार्दा पुरस्कार पाउनु पर्नेमा उल्टै कारबाही खेप्नुपरेको छ,’ उनले फेसबुकमा लेखेका छन्, ‘नेपालमै केही गर्छु भन्ने सपना देखेको थिएँ, अहिले पश्चाताप भइरहेको छ ।’
यो खबर पढेर तपाईलाई कस्तो महसुस भयो ?
