काठमाडौँ श्रावण ७ – प्रधानमन्त्री केपी शर्मा ओलीले आफ्नो कार्यकालमा रेल पूर्वाधारको विकासलाई उच्च प्राथमिकतामा राखेको बताएका छन्। उनले हालसम्म १,३१७ किलोमिटर रेलमार्गको सम्भाव्यता अध्ययन सम्पन्न भइसकेको जानकारी दिएका छन्।
प्रधानमन्त्री ओलीका अनुसार, देशको सबैभन्दा महत्त्वपूर्ण आयोजनामध्येका मेची–महाकाली विद्युतीय रेलमार्ग र पोखरा–काठमाडौँ विद्युतीय रेलमार्गको विस्तृत सम्भाव्यता अध्ययन सफलतापूर्वक सम्पन्न भइसकेको छ। यसबाहेक, पोखरा–काठमाडौँ–लुम्बिनी रेलमार्गको निर्माणका लागि स्रोत जुटाउन चीन सरकारको सहयोगमा प्रारम्भिक सम्भाव्यता अध्ययन पनि पूरा भएको छ।
सरकारको यो कदमले नेपालको यातायात क्षेत्रमा क्रान्तिकारी परिवर्तन ल्याउने विश्वास लिइएको छ। रेल सञ्जालको विस्तारले देशको आर्थिक विकासलाई गति दिने र जनतालाई सहज यातायातको सुविधा प्रदान गर्ने अपेक्षा गरिएको छ।
यो खबर पढेर तपाईलाई कस्तो महसुस भयो ?
