काठमाडौं, श्रावण २६ :कोशी प्रदेशका सांसद अमृत अर्यालले नेपाली राष्ट्रिय क्रिकेट टिमका बलर ललित राजवंशीका लागि नयाँ घर निर्माण गरिदिने घोषणा गरेका छन्।
देशका लागि खेल्दा–खेल्दै मैदानमा पसिना बगाउने र राष्ट्रिय झण्डा उच्च राख्ने खेलाडीको घर जीर्ण अवस्थामा रहेको थाहा पाएपछि उनले यो निर्णय लिएका हुन्। सांसद अर्यालका अनुसार राजवंशीको पुरानो घर भत्किनै लागेको छ र नयाँ घर बनाउन आवश्यक रकम पनि उनीसँग छैन।
उनका अनुसार जनता आवास कार्यक्रम अन्तर्गत यो घर निर्माण गरिनेछ र यस आर्थिक वर्षभित्रै काम सम्पन्न गर्ने योजना छ। अर्यालले भने देशको नाम गौरवान्वित गर्ने खेलाडीको घर जीर्ण हुनु लाजमर्दो कुरा हो, त्यसैले यो घर छिट्टै निर्माण गरिनेछ।
यो खबर पढेर तपाईलाई कस्तो महसुस भयो ?
