मुग्लिन–नारायणगढ सडकखण्डको नारायणगढमा सातवटा सवारी आपसमा ठोक्किँदा २१ जना घाइते भएका छन्।
जसमा चारजनाको अवस्था गम्भीर रहेको प्रहरीले जनाएको छ।
बिहान करिब साढे ७ बजे यात्रुवाहक बस र ट्रकसहितका सवारी साधन एकआपसमा ठोक्किएका हुन्।
घटनास्थलमा पुगेका प्रहरी टोलीले घाइतेलाई उद्धार गरी उपचारका लागि अस्पताल पठाएको जिल्ला प्रहरी कार्यालय चितवनका सूचना अधिकारी रवीन्द्र खनालले जानकारी दिए।






